رَسانک نیوز/ دوشمبے روچ 16 دی ماہ 1404، یزد ءَ بلوچی کہ امنیتی ٹولی ءَ دزگیر کرتگ، بیست ءُ ھپت روچ ءَ پد داں انگت ءَ آئی ءِ ھالے سرپدئے نیست اِنت ءُ نہ کہ آئی ءِ سرا بستگیں الزام ءُ تهمت زانگ بوتگ اَنت، نہ آئی ءِ دارگ ئے جاگہ درا بوتگ۔ لوگئے مردمان ءَ آئی ءِ ھچ پیمیں ھالے دست نہ کپتگ.
اے بلوچئے پجّار «کادر ایجباری»، زاھر ئے چُک ، بُندر ءَ دُزاپ ءِ چاہ اھمد دمگئے نندوکیں مردمی گوشگ بوتگ.
اے ھالئے رِد ءَ، کادر کارگرے بوتگ ءُ امنیتی ٹولی ءَ چہ کار ئے جاگہ ءَ بید چہ گناہ ءُ میئار ئے گوشگ ءَ دزگیر کرتگ۔ دزگیر بوھگ ءَ پد بس یک بری ٹلپئون ئے سرا گوں لوگ ءَ جُڑتگ ءُ ھبرے کرتگ.
کادر ئے سیاد ءُ نزّیکیں مردمان ءَ گوشتگ: پِت ئے مرک ءَ رَند، کادر لوگئے ایوکیں نان آروک اِنت، وتی مات ءُ چاریں گوہار آنی ماشی چِست ءُ ایئر آنی چاروگ ءُ زمہ وار اِنت۔ اے بُن گپّ ءَ آئی ءِ سر نبشت ئے بابت ءَ دل پریشانیاں گیش کرتگ.
Be the first to comment