تہران ءَ مهلوکئے زھرشانی ئے پادلپاش کنگ ءِ وھدا، نزامی ٹولی ئے تیرگواری ءَ بلوچے کُشگ بوتگ

رَسانک نیوز/ چارشمبے 8 بہمن ماہ 1404 ءَ، یک دگہ بلوچی کہ تہران ءَ مهلوکئے زھرشانے ئے پادلپاش کنگ ءِ وھدا چہ نزامی ٹولی ءِ تیرگواری ءَ کُشگ بوتگ، آئی ءِ بے ساھیں جون ماں گِہ ئے بنت دمگ ءَ ھاک آں ایئر دیگ بوتگ.

رَسانک ءَ کُشگ بوتگیں بلوچئے پجّار «ھسن شایستہ»، 35 سالگ، موسا ئے چُکّ، بُندر ءَ گِہ ئے بنت دمگ ءِ نندوکیں مردمی زانتگ.

رَسانک ءِ ھال سرکنوکانی رِد ءَ، ھسن ءَ ماں تاریک 18 دی ماہ ءَ تہران ءَ مهلوکئے زھرشانی ئے پادلپاش کنگ ءِ وھدا چہ نزامی ٹولی ئے تیرگواری ءَ ماں سر ءُ لاپ ءَ تیر وارتگ ءُ ساہ داتگ۔ کُشگ بوھگ ءَ پد، آئی ءِ بے ساھیں جون 7 بہمن ماہ ءَ ھاندان ءُ لوگئے مردمانے دست ءَ دیگ بوتگ ءُ چارشمبے روچ 8 بہمن ماہ ءِ بیگاہ ءَ بنت ءَ ماں ھاک آں ایئر دیگ بوتگ.

مردمی کہ ھسن ئے نماز جنازہ ءَ بہرزورتگ ءُ بے ساھیں جون ءَ پہ چمّاں وت دیستگ، گوشتگی آئی ءِ جون ئے چارگ سکّ ءَ دل پُروش بوتگ۔ سر ءُ دیم ھمیں وڑا بوتگ اَنت کہ آئی پجّار نہ بوتگ، لاپ ءِ ھالیگ کنگ ءَ پد چہ پمبگ ءَ پُر کرتگ ءُ دوتکگ۔ اے مردمئے وھم ءُ گُمان ءَ ھسن ئے لاپ چہ تیر ئے لگّگ ءَ چُن چُن بوتگ.