رَسانک نیوز/ سئےشمبے 7 بہمن ماہ 1404 ءَ، بلوچیں چُکّئے بے ساھیں جون کہ ماں تاریک 19 دی ماہ 1404 ءَ چہ سرباز ئے بگان دمگ ءَ بیگواہ بوتگ، ماں تاریک 24 دی ماہ ءَ ھمیں دمگ ءِ کشّ ءُ کِرّ ءَ دست کپتگ بلے ھَپَگ کنگ ئے ٹپّ ءُ نشاں آئی ءِ دیم ئے سرا درا بوتگ.
اے چُکّئے پجّار «اُسمان ملازھی»، 7 سالگ، ھامد ئے چُک، بُندر ءَ سرباز ئے نندوکیں مردم ءُ انّیگیں وھدا پہرہ ئے جهمنند زانگ بوتگ.
اے ھالئے رِد ءَ، چُنت روچ آئی ءِ ھاندان ئے رَندگیری ءَ پد، گُڑسرا اے چُکّئے بے ساھیں جون چہ بگان دمگ ئے کشّ ءُ کِرّیں ھند آں دست کپتگ۔ بُنگیجی چار ءُ تپاس ءَ ھَپَگ کنگ ئے پد ءُ نشان آئی ءِ دیم ءَ درا بوتگ اَنت ءُ مرگ ئے سوب چہ ناگمانیں وڑ ءُ پیم ءَ زانگ بوتگ.
گوشگ لوٹیت کہ اُسمان ءُ آئی ءِ ھاندان پہرہ ءَ جهمنند اَنت، بلے بگان ءَ وتی مات ءِ گوہار ئے لوگ ءَ شُتگ ءُ اُداں ماں تاریک 19 دی ماہ ءَ بیگواہ بوتگ.
داں انگت ءَ اُسمان ئے کُشوک یاں کہ کُشوک آنے بابت ءَ گیشتریں ھالے دست نہ کپتگ ءُ نہ کہ آیانے سوب چہ اے کار ءَ زانگ بوتگ.
اولین نفری باشید که دیدگاه مینویسد