رَسانک نیوز/ پنچشمبے 2 بہمن ماہ 1404 ءَ، پہرہ ءِ زیبا شہر دمگ ءَ نزامی ءُ امنیتی ٹولی ئے لوگیئے سرا اُرش ءُ تیرگواری ءَ سئے بلوچ کُشگ ءُ سئے دگہ دزگیر بوتگ.
کُشگ بوتگیں سئے بلوچئے پجّار «الی اکبر زمانھانی»، 38 سالگ، میرداد ئے چُک، آروس کرتگ ءُ سئے زھگئے پت، «مجید زمانھانی»، 33 سالگ، ھُدادات ئے چُک، آروس کرتگ ءُ سئے زھگئے پت، ھر دو جازموریان ءِ زیارت ءِ میر مکدات دمگ ءِ نندوک ءُ «نیاز بامری»، کِساس 30 سالگ، اھمد ئے چُک، آروس کرتگ ءُ چُکّ آنی واھند، بُندر ءَ زھکلوت ءِ نندوکیں مردمی زانگ بوتگ.
دزگیر بوتگیں سئے بلوچئے پجّار «اسھاک بامری»، 38 سالگ، مهمد ئے چُکّ، «رامین زمانھانی»، 26 سالگ، میرداد ئے چُک ءُ «اپشین زمانھانی»، 32 سالگ، اللہ بکش ئے چُک، ھر سئے جازموریان ءِ زیارت میر مکداد دمگئے نندوکیں مردم زانگ بوتگ اَنت.
اے ھالئے رِد ءَ، نزامی ٹولی ءَ سجهیں دمگ انگیر کرتگ ءُ ھماں لوگ ءِ سرا کہ اے مردم نندوک بوتگ اَنت بے پیسریگیں دلگوش دیگ ءَ اُرش ءُ لوگئے مردمانی سرا تیرگواری کرتگ، لوگئے درستیں مردم یکّ ءُ دگرے نزّیکیں سیاد بوتگ اَنت.
داں انگت ءَ اے اُرش ءُ تیرگواری ءِ سوب زانگ نہ بوتگ ءُ کاروایی ءَ پد نزامی ٹولی چہ جاہ ءَ شُتگ اَنت۔ اے باراوا سرکاری ھالے شِنگ نہ بوتگ ءُ اے بلوچانے سرا بستگیں تُھمت ءُ الزام ھم زانگ نہ بوتگ.
اولین نفری باشید که دیدگاه مینویسد