رَسانک نیوز/ جمے 3 بہمن ماہ 1404، 19 دی ماہ ءِ بیگاہ ءَ مشهد ءِ تُرُک شہر دمگ ءَ مهلوک ءِ زھرشانی یے مُچّی ءِ سرا نزامی ٹولی ئے تیرگواری ءُ پادلپاش کنگ ءِ وھدا بلوچی ءَ تیر وارتگ. سربوتگیں ھالانی رِد ءَ، تیرگواری ءَ پد امنیتی ٹولی ئے پیش آتک گوں ٹپیگ بوتگیں مردماں سکّ ءَ سِلّ بوتگ۔ ٹپیگ بوتگیں مردمانی کمک بوھگئے دیم دارگ ءَ ھور آیان ءَ چہ مهلوک ءِ چمّاں دور داشتگ، نزامیانی اے کار بازیں شکّ ءُ دل پریشانی ءَ ھوار بوتگ.
اے نوک ورنائے پجّار «ابولپزل شیئیویسی»، کِساس 18 سالگ، شهاب ءِ چُک، بُندر ءَ زابل ئے مردم، دُزاپ ءَ چہ مات ءَ بوتگ ءُ مشهد ءِ تُرُک شہر دمگئے جهمنند زانگ بوتگ.
اے ھالئے رِد ءَ، امنیتی ٹولی ئے تَچکیں تیرگواری ءَ ابولپزل ءَ ماں ران ءَ تیر وارتگ ءُ ٹپیگ بوتگ۔ ٹپیگ بوھگ ءَ پد مهلوک ءَ آئی نادراہجاہ ءَ سر کنگ ئے جُھد کرتگ بلے امنیتی ٹولی ءَ آیانی دیم داشتگ ءُ وت گوں یک پراید گاڑی ءَ ٹپیگ بوتگیں مردمان ءَ چیئریں جاگہے بُرتگ.
ھال سرکنوکان ءَ گوشتگ: ویل ءَ پد امنیتی ٹولی ءَ ابولپزل ءِ ھاندان زور کرتگ کہ مرک ئے سوب ءَ «کارچ ءِ ورگ»، درا بہ کننت. امنیتی ادارہ ءَ آئی ءِ پیریں پِت ءَ تَچک بیہار کرتگ اگاں چہ مئی گپّ ءَ دگہ بہ کنت گُڑا آئی ءِ ورنائیں جنیں چُکّ ءِ سرا «سماج ئے ناآرام کنگ» ئے پروندہ ءَ جننت ءُ آئی ءَ دزگیر کننت۔ بری گوشتگش کہ ابولپزل ئے جنوکان ءَ «تروریست»، درا بہ کنیت.
گُڑسرا امنیتی ٹولی ءَ پہ اے شرت ءَ کہ آئی ءِ بے ساھیں جون ءَ دوریں دمگی ءَ بید چہ تِرپّ ءُ توار ءَ مانش ءَ ایئر بہ دینت، چُکّئے بے ساھیں جون ھاندان ئے دست ءَ داتگ۔ بلے ھاندان ءَ بے ساھیں جون ءِ دست گِرگ ءَ پد ماں تاریک 22 دی ماہ 1404 ءَ مشهد ئے تُرُک دمگ ءَ ھاک آں ایئر داتگ.
اولین نفری باشید که دیدگاه مینویسد