رَسانک نیوز/ چارشمبے 1 بہمن ماہ 1404 ءَ، امنیتی ادارہ آنے ایئردستیں میڈیا چُش کہ تسنیم ءَ چہ ایران ءِ چیئریں ادارہ ءِ وزارت ئے نیمگ ءَ گوشتگ ماں ھوریں کاروایی ءَ کہ آئی ءِ تہا سپاہ کُدس ءِ بُنجاہ، سیستان ءُ بلوچستان ئے چیئریں ادارہ ءُ انتزامی کورکمانڈر ءَ بہر زورتگ ءُ اے کاروایی ءَ انسارالپرکان سلاہ بندیں گل ئے یک پدایی کُشگ ءُ یازدہ دگہ دزگیر کنگ بوتگ.
اے ھالئے رِد ءَ، کُشگ بوتگیں بلوچئے پجّار «گل مهمد شاھوزھی»، زانگ بوتگ کہ امنیتی ادارہ آنے دیم ءَ سلاہ بندیں ٹکّر ءَ کُشگ بوتگ.
امنیتی ادارہ ئے داوا ئے رِد ءَ، اے مردمان ءَ لوٹتگ سوبہ سیستان ءُ بلوچستان ءَ «تروریستی کاروایی» بہ کننت، ھمیں سوب ءَ دُزاپ ءِ کَشّ ءُ کِرّیں دمگ آں چیئر بوتگ اَنت.
اے جار ءَ گوشگ بوتگ: چہ دزگیر کنگ بوتگیں مردمانے چیئریں جاگہ ءَ آر پی جی سلاہی گوں 24 دانگ تیر، دو سی تیری تُپنگ وت تیر آں، شش وتاس ءُ بمب جوڑ کنگ ئے ساز ءُ سامان دست کپتگ.
داں انگت ءَ کاروایی آنے وھد، دزگیر کنگ ءِ جاگہ ءُ دزگیر بوتگیں مردمانی پجّار ئے بابت ءَ گیشیں ھالے دست نہ کپتگ.
گوشگ لوٹیت انسارالپرکان ئے سلاہ بندیں گل ءَ چیئریں ادارہ ئے داوا ئے بابت ءَ وتی پدکرد نہ داتگ.
اولین نفری باشید که دیدگاه مینویسد