رَسانک نیوز/ دوشمبے روچ 15 دی ماہ 1404 ءَ، کسرکند ءَ امنیتی ٹولی ءَ بلوچی ءَ بے کسور ءُ مئیار ءَ دزگیر کرتگ ءُ چیئریں جاگہے برتگ۔ آئی ءِ دزگیر بوھگ ءَ دو روچ گوستگ بلے داں انگت ءَ ھاندان ءُ لوگئے مردمان ءَ ھچ پیمیں ھالے سرپدئے دست نہ کپتگ، زمہ واریں ادارہ آن ءَ ھم اے بابت ءَ سرکاری بیان نہ داتگ.
اے بلوچئے پجّار «ابدلناسر بلوچ کادر»، 22 سالگ، ازیم ئے چُک، بُندر ءَ کسرکند ئے کارچان دمگئے نندوکیں مردمی زانگ بوتگ.
اے ھالئے رِد ءَ، امنیتی ٹولی ابدلناسر ءَ سُہب ءِ ساھت دہ ئے نزّیک ءَ چہ کسرکند ئے دُکانی ءَ دزگیر کرتگ، ایشی ءَ پد آئی ءَ گوں لوگئے مردماں پئون ئے سرا ھم نہ جُڑتگ.
داں انگت ءَ آئی ءِ سرا بستگیں الزام، دزگیر کنگ ئے سوب ءُ دارگ ءِ جاگہ زانگ نہ بوتگ.
اولین نفری باشید که دیدگاه مینویسد