رَسانک نیوز/ پنچشمبے روچ 11 دی ماہ 1404 ءَ، جیرپت ءِ راہ ءَ نزامی ٹولی ءِ ٹیلکشّیں گاڑی ئے سرا تَچکیں تیرگواری ءَ، گاڑی چہ راہ ءَ ڈنّ شُتگ، لیٹ وارتگ ءُ بُن گپتگ۔ ایشی ءِ نتیجگ ءَ دو بلوچیں ٹیلکشّ ءَ ساہ داتگ۔ اے تیرگواری بید چہ پیسریں دلگوش دیگ ءُ چہ پُشت ئے نیمگ ءَ کنگ بوتگ ءُ گاڑی ئے ٹایر آں تیر لگ اِتگ ءُ چہ کنٹرول ءَ در اَتکگ.
اے دوئیں بلوچے ٹیلکشّ آنے پجّار «رھمان زاروزھی»، 16 سالگ، مهدی ئے چُک، «داوود زاروزھی»، 20 سالگ ابدلهمید ئے چُک، بُندر ءَ زابل ئے مردم ءُ جھمنند زانگ بوتگ.
اے ھالے رِد ءَ، رھمان زاروزھی ھماں ویل ئے جاہ ءَ چہ ٹپّانے باز بوھگ ءَ ساہ داتگ۔ داوود زاروزھی ٹپیگ بوھگ ءَ پد، کرمان ءِ نادراہجاہی ءَ سرکنگ بوتگ ءُ پنچ روچ بستری بوھگ ءَ پد ماں تاریک سئے شمبے روچ 16 دی ماہ 1404 ءَ چہ ٹپّانی باز بوھگ ءَ ساہ داتگ.
اولین نفری باشید که دیدگاه مینویسد