رَسانک نیوز / مروچی چارشمبے 17 دی ماہ 1404 ءَ، راجی جُھدکار آنی بُنک ءَ کسانیں جارتاکی شِنگ کرتگ ءُ پہرہ ءَ شہردراج ئے پاسگاہ ئے کمانڈر ءِ کُشگ ءِ زمہ واری منّتگ.
شہردراج ئے پاسگاہ ئے کمانڈر ھماں وھدا کہ چہ لوگ ءَ پاسگاہ ءَ گوں وتی زاتی گاڑی ءَ روگ ءَ بوتگ، کُشگ بوتگ.
جارتاک ءَ گوشتگ: «مُلکئے دمگ، دمگ ءَ زھرشانی کنوکیں مردمانی پادلپاش کنگ ءُ کُشگ ئے پسّو ءَ، ھمیں پیم ءَ آھوندانی سرکار ءَ پہ کُرتگیں ڈوھ آن ءَ پسّو دیوک بکنت، شہردراج ئے پاسگاہ ئےکمانڈر ئے کُشگ ءِ سوب زانتگ ءُ پرچی ءَ کہ اے کمانڈر ءَ زاتی وڑا پہ بلوچانے کُشگ ءَ بہر زورتگ کہ گوں پکّائیں کاروایی ءَ چہ راہ ءَ کِرّا کنگ بوتگ».
سرکاری میڈیا ءَ کُشگ بوتگیں انتزامی کمانڈر ئے پجّار «مهمود ھکیکت» گوشتگ.
رَسانک ءِ ھال سرکنوکانی رِد ءَ، سلاہ بندیں مردمان ءَ پاسگاہ ءِ کمانڈر ئے روگ ءُ آھگ ءِ راہ ءَ کمین کرتگ ءُ بستگ، ھماں وھدا کہ آئی ءَ گوں وتی زاتی پژو پارس گاڑی ءَ چہ لوگ ءَ پاسگاہ ءَ روگ ءَ بوتگ ءُ پاسگاہ ئے نزّیک ءَ آئی ءِ سرا تیرگواری اِش کرتگ ءُ کُشتگ. آئی ءِ ساہ دیگ ءَ پد، گاڑی ءَ گوں مَچّی ءَ ٹوکر وارتگ.
اولین نفری باشید که دیدگاه مینویسد