رَسانک نیوز/ 13 دی ماہ 1404 ءَ، دُزاپ ءِ سیئد کُتب روڈ ئے دہ نمبر ڈکّ ءَ سلاہ بندیں مردمان ءَ بلوچی ءَ آوار جتگ۔ اے ویل ئے بیست ءُ چار ساھت ءَ پد داں انگت ءَ آئی ءِ ھچ ھالئے سرپدئے نیست اِنت۔ آوار جنگ ئے ویل ھماں وھدا پیش اَتکگ کہ اے بلوچئے ھاندان ءُ لوگئے مردمان ءَ پہ آئی ءِ ھالئے سرپدئے امنیتی ادارہ آن ءَ باز رندگیری کرتگ ءُ بید بے پرواھی ءَ چہ اے ادارہ آن ءَ چیزے نہ دیستگ۔ اے بابت ءَ ھچ پیمیں گامگیج ءُ روژناکیں کاروایی یے نہ بوتگ.
رَسانک ءَ اے بلوچئے پجّار «مهمد نارویی»، 18 سالگ، ھُسین ئے چُک، بُندر ءَ دُزاپ ءِ نندوک زانتگ.
رَسانک ءِ ھال سرکنوکانے رِد ءَ، نیم روچئے ساھت دوازدہ ئے وھدا، سلاہ بندیں مردمان ءَ پہ مهمد ئے آوار جنگ ءَ نُگرہ رنگیں پژو 405 گاڑی یے کارمرز کرتگ۔ اے جهمنندئے آوار جنگ ءِ وڑ ءُ دمان ءَ دمگ ءَ کارمرز بوتگیں دور گِند آن ءَ زپت کرتگ، بلے کانودی رہبندان ءَ دور گِند آنی رکاٹ ھاندان ءُ زمہ واریں ادارہ آنے دست ءَ دیگ ءِ کار سهد کرتگ۔ ھمیں گپّ ءَ زمہ وارانی بے پرواھی ئے درگت ءَ دل پریشانے گیش کرتگ.
جاورانی ھمیں وڑا برجاہ بوھگ ءُ زمہ وارانی بی پرواھی ءَ جهمنندانے دل پریشانی پہ مهلوک ئے ساہ ءُ چُشیں ویلانی دیم ءَ ھاندان آنے بے وسی ءَ درا کرتگ ءُ پیش داریت کہ زمہ وارانی بے پرواھی ئے سوب ءَ دُزاپ ءَ ناامنی برجاہ اِنت ءُ چاگردی رَد راہیکی آں گیش بوھگ اَنت.
اولین نفری باشید که دیدگاه مینویسد