رَسانک نیوز/ 14 دی ماہ 1404 ءَ، بمپور ئے کلاتان زِلّھ ءَ، سلاہ بندین ءُ بے پجّاریں مردمانی، جَنَک آنی وانگجاہ ئے سرویس گاڑی یے سرا تیرگواری ءَ جنیں چُکیں نودربری ءَ تیر وارتگ ءُ ٹپیگ بوتگ.
اے جهمنند ئے پجّار «ریھانہ دانہچین»، کِساس 15 سالگ، بمپور ئے نندوکیں مردمی زانگ بوتگ کہ ماں کُوپگ ءَ تیر ورگ ءُ ٹپیگ بوھگ ءَ پد، پہرہ ئے ھاتم الانبیاء نادراہجاہ ءَ سرکنگ بوتگ.
رَسانک ءِ ھال سرکنوکانی رِد ءَ، اے تیرگواری ءَ جنیں چُکیں نودربر آنے سرویس گاڑی، تیرانی دپ ءَ کپتگ ءُ تیر گاڑی ئے جِند ءُ شیشگ آں لَگ اِتگ اَنت۔ اے سرھال ءَ نودربر ءُ آیانی لوگئے مردم سکّ ءَ دل پریشان کرتگ.
بمپور ءَ زمہ واران ءَ داں انگت ءَ اے درگت ءَ وتی ھیالانے درشان نہ کرتگ ءُ ویل ئے تک ءُ پہناد نہ بوتگ۔ ھمیں پیم ءَ زمہ واران ءَ اے تیرگواری ئے پُژدر، جنوکانی سوب ءُ پروندہ ئے دیمروی ئے بابت ءَ ھم ھچ نہ گوشتگ.
اولین نفری باشید که دیدگاه مینویسد