رَسانک نیوز/ دوشمبے روچ 28 مہر ماہ 1404 ءَ، کہنوج ئے بندیگجاہ ءَ بلوچے بندیگے کہ سال 1398 ءَ پہ کوش ءِ الزام ءَ دزگیر کنگ بوتگ، پاھواِش داتگ۔ اے کاروایی یک بری پدا دلگوش ءَ پہ پروندہ آنے گوں اِنساپ ءِ سرا دیمروی ءُ پاھو ئے ھکم آنے نیمگ ءَ کشّ کرتگ.
جُھد کاریں بلوچانی کمپین ءَ، اے بندیگے پجّار «پرھنگ پرامرزی»، 30 سالگ، ھُسین ئے چُک، آروس کرتگ ءُ شش سالگیں جنکُک یئے پت، بُندر ءَ کہنوج ءِ نندوک گوشتگ.
اے ھال ئے رِد ءَ، پرھنگ بندیگ بوھگ ءِ دوراں چار گشت پہ پاھو ءَ شور دیگ بوتگ، پرھنگ سال 1398 ءَ پد چہ آروسی دیوان ئے سرا پہ گل ءُ شادمانی ءَ تیرگواری کرتگ، دزگیر کنگ بوتگ۔ ھال سرکنوکان ءَ گوشتگ: آئی ءَ پہ شادمانی ءَ تیرگواری کرتگ ءُ چہ نابزانت ءَ جھمنندے ءَ تیر وارتگ ءُ ساہ داتگ۔ گوں اے بُن گپّ ءَ پدا ھم گوں پروندہ ئے دیمروی ءَ آئی ءَ پاھو ئے ھُکم وارتگ.
گوشگ لوٹیت گوں ایشی ءَ کہ پاھو ماں 28 مہر ماہ 1404 ءَ دیگ بوتگ، بلے لہتیں جنجال آں چُش کہ ھاندان ئے بے موہ بوھگ، زھنی جیڑہ ءُ زانگ نہ بوتگیں سوب آں اے ھال 11 دی ماہ 1404 ءَ شنگ بوھگ اِنت.
اولین نفری باشید که دیدگاه مینویسد