رَسانک نیوز/ زی پنچ شمبے 11 دی ماہ 1404 ءِ سرشپ ءَ، دُزاپ ءِ شهدربر جاہ ءِ روڈ ءَ سلاہ بندین ءُ بے پجّاریں مردمان ءَ بلوچیئے گاڑی ئے سرا تیرگواری ءَ پد، آئی ءِ جند ئے سرا تیرگواریاش کرتگ ءُ اے بلوچ ءَ تیر وارتگ ءُ ٹپیگ بوتگ.
اے بلوچئے پجّار «مجید گرگیج»، بُندر ءَ دُزاپ ءِ نندوکیں مردمے زانگ بوتگ. آئی ءِ ھالت نادراھجاہ ءَ سر بوھگ ءَ پد چہ ھترا ڈنّ ءُ دیم پہ وشّی ءَ گوشگ بوتگ.
رَسانک ئے ھال سرکنوکانے رِد ءَ، اُرش کنوکیں مردمان ءَ پیسرا آئی ءِ گاڑی یے سرا تیرگواری کرتگ ءُ گاڑی ئے بُن گِرگ ءَ پد چہ ناچاری ءَ گاڑی ءَ ڈنّ بوتگ ھمے وھد ءَ سلاہ بندیں مردمان ءَ آئی ءِ جِند ئے سرا تیرگواری کرتگ، آئی ءَ پاد ءَ تیر وارتگ ءُ ٹپیگ بوتگ.
ھال سرکنوکان ءَ گوشتگ: سلاہ بندین ءُ بے پجّاریں مردماں کہ آیانے سوب داں انگت زانگ نہ بوتگ تیرگواری ءَ پد چہ جاہ ءَ در شُتگ اَنت ءُ اے جھمنند گوں مهلوک ءِ جُھد ءُ کمک ءَ نادراہجاہ ءَ سر کنگ بوتگ.
اولین نفری باشید که دیدگاه مینویسد