دلگان ءَ سلاہ بندین ءُ بے پجّاریں مردمانے تیرگواری ءَ بلوچے کُشگ بوتگ

رَسانک نیوز/ دوشمبے روچ 8 دی ماہ 1404 ءِ بانگواہ ءَ، دلگان ئے چاہ ھاشم زِلّھ ئے درگیابند دمگ ءَ سلاہ بندین ءُ بے پجّاریں مردمانے تیرگواری ءَ بلوچی ءَ تیر وارتگ ءُ ساہ داتگ.

کُشگ بوتگیں بلوچئے پجّار «ابدلرھمن ھوتی»، اللہ‌بکش ئے چُکّ، بُندر ءَ دلگان ئے چاہ ھاشم زِلّھ ئے درگیابند دمگئے نندوکیں مردمی زانگ بوتگ.

سلاہ بندیں مردماں کہ آیانے پجّار ءُ سوب داں انگت ءَ زانگ نہ بوتگ ، گوں تَچکی ءَ ابدلرھمن ءَ نشانگ اِش کرتگ ءُ پہ تیر اِش بستگ۔ ایشی ءَ پد چہ جاہ ءَ دَر شُتگ اَنت.