زابل ءَ بلوچے کہ سلاہ بندین ءُ بے پجّاریں مردمان ءَ آوار جتگ، آئی بے ھالئے سرپدئے انگت ءَ برجاہ اِنت

رَسانک نیوز/ شمبے 6 دی ماہ 1404 ءَ، زابل ئے پاسداران روڈ ءَ بلوچے کہ ماں تاریک 23 آزر ماہ ءِ شپ ءَ سلاہ بندین ءُ بے پجّاریں مردمان ءَ آوار جتگ، نہ آئی ءِ ھالے سرپدئے دست کپتگ ءُ نہ آئی ءِ دارگ ءِ جاگہ زانگ بوتگ۔ اے گپّ ءَ لوگئے مردمانے دل پریشانی گیش کرتگ.

رَسانک ءَ اے بلوچ «اُمید سارانی»، زابل ءِ نندوکیں مردمی گوشتگ، اے مرد ءَ گوں کسّ ءُ یاں کہ ھاسیں مردمی ءَ جیڑہ ءُ جنجالی نہ بوتگ ءُ بید چہ پیسریگیں اَڑگ ءُ ٹکّر ءَ آوار جنگ بوتگ.

رَسانک ءِ ھال‌ سرکنوکانی رِد ءَ، سلاہ‌ بندیں مردماں کہ پژو گاڑی ئے نندوک بوتگ اَنت، ماں پاسداران روڈ ءَ آئی ءِ دیم داشتگ ءُ پہ زور ءَ وتی گاڑی ءَ کرتگ ءُ دَر شُتگ اَنت.

داں انگت ءَ آوار جنوکانی پجّار ءُ آیانے سوب چہ اے کار ءَ زانگ نہ بوتگ ءُ ھاندان ءَ آئی ءِ ھالے سرپدئے دست نہ کپگ ءَ دمگ ءِ نندوک  دل پریشان کرتگ اَنت.