رَسانک نیوز/ جمے 5 دی ماہ 1404 ءَ، واش ئے گوھرکوہ دمگ ءَ پیسر چہ بسیج ءِ بُنجاہ ءَ دو ٹیلکشّیں گاڑی ءَ زوریں ٹوکر وارتگ۔ اے ویل گوں سئے ٹیلکشّئے ساہ دیگ ءَ آسر بوتگ۔ ٹوکر ئے زور ھمینچو باز بوتگ کہ دوئیں گاڑی آس ءَ سوتکگ اَنت ءُ نندوکان ءَ وتی رَکّینگ ئے موہ نہ رَستگ ءُ ماں آس ءَ سوتکگ ءُ ساہ داتگ.
رَسانک ءَ ساہ داتگیں ٹیلکشّ آنے پجّار «مھسن شہبکش»، لال ھان ئے چُک، «شھرام شہبکش»، ھُدا نزر ئے چُک، «الیاس شہبکش»، رھمدل ئے چُک زانتگ.
بلوچستان ءِ دمگ آں ٹیلئے کشّگ یکے چہ کمّیں موہ آں پہ ماشی گُزران ءَ زانگ بیت. الکاپیں کار ءُ مالی آسرہ ئے نہ بوھگ ءَ بازیں ورنایی چہ ناچاری ءُ بزگی ءَ اے پُر ھتریں کار ءَ دیم کننت۔ ٹیلکشّ آں بید چہ راہ آنے کُشوکیں ویل ءُ واک آں، گاڑیانے بُن گِرگ ءَ، گوں نزامیانی تیرگواری ءَ دیمپان اَنت، گوں سرکار ئے جوڑ کرتگین ءُ پہ زوریں جاوراں ھمیں پیم اے دمگ آنے نندوکیں مردمانی مالی ءُ ماشی گپچل آنے شَرّ کنگ ءَ زمہ وارانی مُدامی بے پرواھی ءَ درا کنت.
Be the first to comment