رَسانک نیوز/ دوشمبے روچ 1 دی ماہ 1404 ءَ، سیستان ئے دمگ ءَ بے سجلیں بلوچے کہ ماھی دیمترا امنیتی ٹولی ءَ دزگیری ءَ پد چہ سیمسر ءَ ڈنّ کرتگ، داں انگت ءَ آئی ءِ ھالے سرپدئے نیست اِنت۔ آئی ءِ اَلّمیں ھالئے دست نہکپگ ءَ ھاندان ءُ لوگئے مردم باز دل پریشان کرتگ.
اے بلوچئے پجّار «آسِپ گلہبچہ»، نساراھمد ئے چُک، زابل ئے نندوکیں مردمی گوشگ بوتگ.
رَسانک ئے ھال سرکنوکانے رِد ءَ، آسِپ کِساس ماھی دیمترا دزگیر ءُ بید چہ روژنیں کانودی کاروایی ءَ چہ مُلک ءَ ڈنّ کنگ بوتگ۔ ایشی ءَ پد آئی ءِ ھچ پیمیں ھالے دست نہ کپتگ.
آسِپ ئے ھاندان ئے نزّیکیں مردمان ءَ گوشتگ: آسِپ ءِ بِھ ھال اھوال ئے نہ بوھگ ءَ آئی ءِ مات ءَ ماں زھنی ءُ نپسیاتی گپچلاں دور داتگ۔ داں اِداں کہ شپاں دیر ءَ واب کپیت ءُ روچاں اے پگر ءَ کنت کہ کد منی چُکّئے ھالے کئیت ءُ سر بیت۔ آسپ ئے سیادان ءَ گوشتگ: اے جاوراں ھاندان ءُ لوگئے مردمانی سبر ءُ اُوپار آسر کرتگ.
Be the first to comment