کسرکند ءَ بے پجّاریں مردمان ءَ بلوچی ءَ آوار جَنَگ ءَ پد، تیرگواری کرتگ ءُ کُشتگ

رَسانک نیوز/ سےشمبے بیگاه ءَ 25 آزر ماہ 1404 ءَ، سئے سلاہ بندیں مردم کہ پژو 405 گاڑی یے نندوک بوتگ اَنت کسرکند ئے ھمیری دمگ ءَ بلوچیئے دکان ءِ سرا اُرش ءَ پد، آئی لٹ ءُ شاپ کرتگ ءُ پہ زور وتی گاڑی ءَ سوار کرتگ ءُ چہ جاہ ءَ در شُتگ اَنت. زی 26 آزر ماہ ءَ، گوں لوگ ءُ دمگ ئے مردمانی رندگیری ءَ اے بلوچئے بے ساھیں جون، گہ ءَ پُلّ ئے چیئرا چی دست کپتگ۔ تیر ئے نشاں آئی ءِ جون ئے سرا ایئر بوتگ اَنت.

رَسانک ءَ اے بلوچئے پجّار «ابیداللہ رئیسی»، 31 سالگ، داداللہ ئے چُک، بُندر ءَ کسرکند ئے ھمیری دمگئے نندوک زانتگ.

رَسانک ءِ ھال سرکنوکانے رِد ءَ، سلاہ بندیں مردماں اے بلوچئے دکان ءِ سرا اُرش ءَ پد، آئی گوں تُپنگ ءِ کُنداک ءُ مھکم ءُ تیز داریں چیز آن ءَ زدگ کرتگ ءُ آوار جتگ۔ اے بلوچئے آوار جَنَگ ءَ پد، ھاندان ءُ دمگئے مردمان ءَ آئی ءِ رندگیری کرتگ داں کہ آئی ءِ بے ساھیں جون چہ گہ ءَ پُلّ ئے چئیری ءَ شوہاز بوتگ.

اے ویلئے کنوکیں مردمانی پجّار ءُ آیانی سوب زانگ نہ بوتگ.