رَسانک نیوز/ چارشمبے روچ 26 آزر ماہ 1404 ءَ، دلگان ءَ پد چہ ایشی ءَ کہ چُنت نپر ئے میان ءَ جیڑہ ءُ ٹکّر بوتگ، بلوچی کہ اے جیڑہ ءُ ٹکّر ءَ ھور نہ بوتگ ءُ آئی ءِ سوب دوئیں نیمگ ئے مردمانی سلاھ ءُ گِیشّینگ بوتگ، جیڑہ ئے سِندگ ءِ جُهد ئے وھدا تیر وارتگ ءُ ساہ داتگ.
رَسانک ءَ اے بلوچئے پجّار «بھادین بامری»، یارمهمد ئے چُکّ، بُندر ءَ دلگان ئے ھُسینآباد دمگ ئے نندوک زانتگ.
رَسانک ءِ ھال سرکنوکانے رِد ءَ، اے ویل ھماں وھدا پیش اَتکگ کہ اے بلوچ ءَ جیڑہ ئے سندگ ءِ جُھد کرتگ ءُ ٹکّر زوروکیں مردمانی نزّیک ءَ شُتگ، ھمیں وھدا چہ یک نیمگی ءَ تیرگواری بوتگ ءُ آئی ءَ تیر لگتگ ءُ ساھی داتگ۔ اے بلوچ ءَ ھماں وھدا تیر وارتگ ءُ کُشگ بوتگ کہ آئی ءَ اے جیڑہ ءَ ھچ کِردی نہ بوتگ ءُ آئی ءِ سوب دوئیں نیمگئے مردمانے سلاھ کنگ ءُ ٹکّر ئے دیمئے دارگ بوتگ.
داں انگت اے ٹکّر ئے بُنیں سبب زانگ نہ بوتگ.
Be the first to comment