پہرہ ءَ شش ماہ دیمترا بیگواہ بوتگیں بلوچئے بیگواھی داں انگت برجاہ اِنت

رَسانک نیوز/ دوشمبے روچ 24 آزر ماہ 1404 ءَ، بلوچے ورنایی کہ آئی ءِ پجّار «ابداللہ دامنی»، پہرہ ءَ شہر دراج ءِ رسول آباد دمگئے نندوکیں مردمی گؤشگ بوتگ۔ ماں تاریک 31 ھُرداد ماہ 1404 ءِ سُہب ءَ چہ لوگ ءَ ڈنّ شُتگ ءُ شش ماہ اِنت لوگ ءَ واتر نہ بوتگ. اے جاور ءَ لوگئے مردم سکّ ءَ دل پریشان کرتگ.

«ابداللہ دامنی»، 26 سالگ اِنت ءُ دمگ ءَ ایزوگام شرکت ئے نمایندگی آئی ءِ دست ءَ اِنت۔ ویل ئے روچ ءَ، چُش کہ ھمروچ ءَ آئی پہ کارا چہ لوگ ءَ در اَتکگ۔ لوگ ءَ واتر نہ بوھگ ءُ آئی ءِ پئون ئے بند بوھگ ءَ ھاندان ءُ دمگئے نندوکیں مردمان ءَ سکّ دل پریشان کرتگ۔ چُنت ماہ آئی ءِ بیگواھی ءَ گؤستگ بلے داں انگت آئی ءِ ھالے سرپدئے دست نہ کپتگ ءُ ھاندان ءِ تر ءُ تاب پہ ھالئے سرپدئے دست کپگ ءَ سوبین نہ بوتگ.

لوگئے مردمان ءَ پئون نمبر شنگ کرتگ ءُ چہ مهلوک ءَ لوٹتگ ھرکس اے باراوا ھالے سرپد اِنت یاں کہ آیاں ھالی دست کپت، اے نمبرا پئون بہ کننت
09155470288

زمہ واریں ادارہ آنے سروک ءُ مسترانے اے وڑیں ویلانی سرا دلگوش نہ بیئگ ماں بلوچستانے دمگ آں پہ یک انسانے ءُ امنیتی گپچلی بدل بوتگ ءُ سرکار ئے بے پرواھی، ناکامیان ءَ پہ مهلوکئے ساہ ءُ سرنبشت ءَ درا کنت۔ گوں ایشی ءَ کہ ابداللہ ئے لوگئے مردم سکّ پریشان ءُ سرگردان اَنت، بلے زمہ وار آن ءَ ھچ با اسریں گامگیجی نہ کرتگ.