رَسانک نیوز/ دوشی 19 آزر ماہ 1404 ءَ، سرکاری میڈیا ءَ گوشتگ: تپتان ءِ انتزامی کمانڈر ءُ پنچ نزامی ءُ چیئریں ادارے زاتی نمبر پلیٹیں گاڑیانی سرا سلاہ بندیں مردمان ءَ اُرش کرتگ.
چہ رَسانک ءِ ھال سرکنوکان ءَ ویڈیو رکاٹی سربوتگ، اے ویڈیو ءَ تیرگواری ئے توار اِشکونگ بیت۔ نزامی ءُ چیئریں ادارے کارمندان ءَ سر وت راہ بستگ ءُ رؤک ءُ آؤکیں ڈریور داشتگ ءُ یاں کہ آیانے گاڑیاں گوں آسنی کونٹک آں پنچر کرتگ۔ ھمیں وھدا سلاہ بندیں مردم جاہ ءَ سربوتگ اَنت ءُ گوں نزامیانے اُوشت ئے دیگ ءُ تیرگواری ءَ بدلّ ءَ نزامی ٹولیئے سرا تیر گواریش کرتگ.
گؤشگ لوٹیت، سرکاری میڈیا ءَ چہ سیستان ءُ بلوچستان پولیس ئے سربوتگیں ھالانے رِد ءَ گوشتگ: سلاہ بندیں مردماں چہ نزامی آنے تیرگواری ءَ پد، شپ ئے تھاری ئے سوب برتگ ءُ دَر شُتگ اَنت۔ بلے چہ آیاں دُزّتگیں پژو پارس گاڑی یے دست کپتگ.
دیمترا رَسانک ءِ ھال سرکنوکان ءَ گوشتگ: سلاہ بندیں مردماں گوں نزامی ءُ چیئریں ادارے گاڑیانے نزّیک بوھگ ءَ آیانی سرا تَچکیں تیرگواری کرتگ ءُ در شُتگ اَنت.
Be the first to comment