رَسانک نیوز/ سئے شمبے روچ 18 آزر ماہ 1404 ءِ شپ ءَ، شیراز ئے دمگی ءَ جنیں چُکّیئے چہ دو پریشان کنوکیں مردمانے دست ءَ رَکّینگ ءِ جُھد ءَ بلوچی ءَ ماں گردن ءِ شہرگ ءَ کارچ وارتگ ءُ کُشگ بوتگ.
رَسانک ءَ اے بلوچئے پجّار «سامان مھمدھسنی (براھویی)»، کِساس 19 سالگ، ھسن ئے چُکّ، بُندر ءَ واش ءِ نندوک زانتگ.
رَسانک ئے ھال سرکنوکان ءَ گوشتگ: کریم ھان ئے کلات ءِ نزّیک ءَ دو مردمان ءَ جنیں چکّی ءَ پریشاں کرتگ ءُ سامان ءَ آیانی دیم داشتگ ءُ جَنِک رَکّینتگ۔ ھمیں وھدا یکے چہ آں مردمان ءَ گوں تیزی ءَ سامان ءِ سرا اُرش کرتگ۔ تیزی سامان ئے گردن ءِ شہرگ سِستگ ءُ آئی ءَ ساہ داتگ۔ جنوک ءَ در روگئے جُھد کرتگ بلے جاہ ءَ اُوشتوکیں اے دگہ بلوچان ءَ اے مردم گِپتگ ءُ کلانتری ئے دست ءَ داتگ.
ھال سرکنوکان ءَ گوشتگ: بازیں ٹپّ ءُ ھون ئے ریچگ ءَ سامان ئے ساہ پیسر چہ نادراہجاہ ءِ سربوھگ ءَ گِپتگ.
Be the first to comment