رَسانک نیوز/ 15 آزر ماہ 1404 ءَ، یوسپ رسانہ شانزدہ سالگیں بلوچے ورنائیں کہ راسک ءَ پیرزآباد ئے نندوک اِنت، ماں تاریک 5 پروردین روانیں سال ءَ سپاہ ئے چیئریں ادارے ٹولی ءَ گوں آئی ءِ ھمراہ اھمد بَرَم ءَ چہ کِشم ئے ھرا زِلّھ ئے دوستکو دمگ ءَ دزگیر کرتگ، پد چہ نہ ماہ ءَ گیش چہ دُزاپ ءِ بندیگجاہ ءَ آجو بوتگ.
رَسانک ءَ دیمترا آئی ءِ پجّار «یوسپ رسانہ»، 16 سالگ، دیں مھمد ئے چُک، راسک ءَ پیرزآباد ئے نندوک گوشتگ.
روانیں سالئے پنچمیں روچ ءِ ساھت 17 ءَ نزامی ٹولی گوں کم چہ کمترا ھشت نزامی ءُ زاتی گاڑی ءَ کہ اے میان ءَ بلوچستان سوبہ ئے چھبار ءُ پہرہ ئے نمبر پلیٹیں دو گاڑی ھم بوتگ، آیانی کوٹی ءُ ڈیرہ ئے سرا اُرش ءُ اے دوئیں بلوچے کارگر دزگیر کرتگ.
گؤشگ لوٹیت: اے دوئیں کارگر، دزگیری ءَ پد دُزاپ ءِ بندیگجاہ ءَ شور دیگ بوتگ اِنت. اھمد بَرَم، دزگیر بوھگ ئے سی ءُ چار روچ ءَ پد چہ بندیگجاہ ءَ آجو بوتگ۔ اے ورنا ئے سرا بستگیں الزام ءُ آئی ءِ پروندہ ئے دیمروی ءِ بابت ءَ گیشیں ھالی دست نہ کپتگ.
Be the first to comment