رَسانک نیوز/ شمبے 15 آزر ماہ 1404 ءَ، پہرہ ئے نور روڈ ءَ کُہنیں بازرگانی چار راہ ئے نزّیک ءَ سلاہ بندیں مردمی ئے تیرگواری ءَ، بلوچی تیر وارتگ ءُ ساہ داتگ. اے ویل ھماں وھدا پیش اَتکگ کہ جَنَگ بوتگیں بلوچ پہ وتی زاتی کار آنی ٹاھینگ ءَ اُداں شُتگ، آئی ءُ جنوکیں مردمئے میان ءَ دپ جنگی ءَ پد، تیرگواری بوتگ.
رَسانک ءَ ساہ داتگیں بلوچئے پجّار «داریوش زمانی (دکالی)»، جانمهمد ئے چُک ءُ بُندر ءَ پہرہ ئے مردم زانتگ.
رَسانک ءِ ھال سرکنوکانی رِد ءَ، داریوش دمگ ءَ سر بوھگ ءَ پد گوں جنوکیں مردم ءَ اَڑتگ ءُ دپ جنگی کرتگ۔ چُنت دکیکت ءَ پد جنوک ءَ گوں سلاہ ءَ داریوش ئے سرا اُرش ءُ تیرگواری کرتگ۔ داریوش ءَ ماں سرا تیر وارتگ.
گوشگ لوٹیت: انّیگیں روچاں زمہ وارانی سلاہ بندیں ٹکّر، جھمنندانے سلاہ ئے زورگ ءُ سلاہ بند بوھگ ئے ویل آنے سرا دلگوش نہ بیئگ ءَ پہرہ ئے جھمنندانے ایمنی ءَ بیہار ءُ ھاندان ءُ سماج ءَ بازیں نُکس ءُ تاوان داتگ.
Be the first to comment