رَسانک نیوز/ مروچی سئےشمبے 11 آزر ماہ 1404 ءِ بانگواہ ءَ، دُزاپ ءِ بابایان دمگ ءَ ھماں وھدا کہ بلوچی ءَ زابلی بدماش آنے دو ٹولی ئے میان ءَ اَڑ ءُ جیڑے سِندگ ئے جُھد کرتگ، گِر ءُ گیشّ ئے دوراں تیر وارتگ ءُ ساہ داتگ.
اے بلوچئے پجّار «وھید ریگی»، کِساس 28 سالگ، گل آگا ئے چُک، آروس کرتگ ءُ گونڈیں چُکّ ئے پت ءُ دُزاپ ءِ نندوک زانگ بوتگ.
رَسانک ءِ ھال سرکنوکانے رِد ءَ، دُزاپ ءِ بابایان دمگ ءَ زابلی بدماش ءُ گُنڈا آنے دو ٹولی ئے میان ءَ ٹکّر ئے وھدا اے بلوچ ءَ آیانی گیشّینگ ئے جُھد کرتگ کہ چہ یک نیمگئے تیرگواری ءَ، تیر وارتگ ءُ سکّ ءَ ٹپیگ بوتگ۔ ھاتم نادراہجاہ ءَ سرکنگ ءَ پد بانگواہ ءِ ساھت سئے ءَ ساھی داتگ.
Be the first to comment