رَسانک نیوز/ دوشمبے روچ 10 آزر ماہ 1404 ءَ، «نوید مرادی»، نامیں بلوچی کہ ماں تاریک 20 آبان ماہ ءَ، جالک ءَ چہ وتی لوگ ءَ در اَتکگ ءُ داں انگت آئی ھالے سرپدئے نیست اِنت.
«نوید مرادی»، پیرمھمد ئے چُک، بُندر ءَ جالک ئے نندوک کہ آئی ءِ بیگواہ بوھگ ءَ ھاندان ءُ لوگئے مردم سکّ ءَ دل پریشاں کرتگ.
رَسانک ءِ ھال سرکنوکانے رِد ءَ، اے بلوچ ئے گوں وتی لوگئے مردمان ءَ گُڑسریں ھال اھوال چہ پہرہ ئے دمگ آن ءَ کرتگ ءُ ایشی ءَ پد آئی ءِ ھچ ھال ءُ نشانیئے دست نہ کپتگ.
نوید ئے لوگئے مردمان ءَ چہ مهلوک ءَ پہ آئی ءِ ھالے سرپدئے دیگ ءُ شوہاز کنگ ءَ کمک لوٹتگ۔ آیان ءَ گوشتگ: ھر کس ءَ اے بابت ءَ ھالے دست کپت، ھال آں اے نمبر ءَ سر بہ کننت
0902 936 2089
بلوچستان ءَ زمہ وار آنے پہ جھمنند آنے بیگواہ بوھگئے ویل ءُ واک آنے سرا دلگوش نہ بیئگ ءَ، لوگئے مردمانے دل پریشان کنگئے ھوری ءَ اے گپّ ھم درا کرتگ کہ سرکار ءَ پہ اے ویل آنے دیم دارگ ءَ ھچ پیمیں رھبندی نیست اِنت۔ اے وڑیں ویل آنے دیمئے نہ دارگ پہ سماج ءِ ایمنی ءُ آرامی ءَ ھرابین ءُ گرانیں نتیجہ آں گوں ھوار بیت۔ انّیگیں جاور آنے ھمیں وڑا برجاہ اَنت، پہ جاور آنے شرتر کنگ ءَ گیشتریں چار ءُ چیٹے زلورت اِنت.
Be the first to comment