رَسانک نیوز/ پنچشمبے روچ 6 آزر ماہ 1404 ءَ، بلوچے کہ ماں تاریک 5 آزر ماہ ءِ شپ ءَ دُزاپ ءِ گوریچانی نیام ءَ نسرت آباد ءَ تلہ سیاہ ئے ٹیلئے پمپ ءِ نزّیک ءَ چہ پژو 405 گاڑی یے سلاہ بندیں نندوکانی تیرگواری ءَ ٹپیگ بوتگ، ٹپّانی باز بوھگ ءِ سوب ءَ ماں نادراہجاہ ءَ ساہ داتگ.
ساہ داتگیں مردمئے پجّار «شیرجان کوھیزھی»، 41 سالگ، دُزاپ ءِ نندوک زانگ بوتگ.
اے ھالئے رِد ءَ، تلہ سیاہ ءَ ٹیلئے پمپ ءِ نزّیک ءَ پژو 405 گاڑیئے سلاہ بندیں مردمان ءَ اے بلوچئے سرا تیرگواری کرتگ ءُ آئی ءَ چُنت تیر ماں جون ءَ وارتگ ءُ سکّ ٹپیگ بوتگ، شیرجان ءَ ٹپیگ بوھگ ءَ پد نادراہجاہ ءَ سرش کرتگ، بلے ڈاکٹر آنے جُھد پہ آئی ءِ ساہ ئے رَکّینگ ءَ سوبیں نہ بوتگ ءُ ویلئے دومی روچ ءَ چہ ٹپّانے باز بوھگ ءَ ساھے داتگ.
Be the first to comment