رَسانک نیوز/ شمبے 8 آزر ماہ 1404 ءَ، جمے روچ ءَ تاریک 30 آبان ماہ ءَ کسرکند ءَ دو ٹولی ئے میان ءَ گوں پیسریگیں جیڑہ آنے دیمروی ءُ تیرگواری ءَ یکی چہ ٹپیگ بوتگیں مردمان ءَ ماں کرمان ئے نادراہجاھی ءَ ساہ داتگ.
رَسانک ءَ دیمترا اے بلوچئے پجّار «بنیامین ازیزی»، پئیزمھمد ئے چُک، بُندر ءَ کسرکند ءِ ازیزآباد دمگئے نندوکیں مردمی زانتگ.
گوشگ لوٹیت: 30 آبان ماہ ئے شپ ءَ، کسرکند ءَ بلوچ آنے دو ٹولی ئے میان ءَ دپ جنگی ءُ تیرگواری ءَ دو بلوچ کُشگ ءُ دو دگہ ٹپیگ بوتگ. کُشگ بوتگیں بلوچانے پجّار «ملک دامنی»، ءُ «ھسن دامنی»، ھر دو پاسک دمگئے نندوک زانگ بوتگ ءُ چہ تَچکیں تیرگواری ءَ کُشگ بوتگ اَنت، بنیامین ءُ امیر ازیزی الی مھمد ئے چُکّ، ٹپیگ بوتگ اَنت.
رَسانک ئے ھال سرکنوکانے رِد ءَ، اے ویل ھماں وھدا پیش اَتکگ کہ دوئیں ٹولی آن ءَ پہ پیسریگیں جیڑہ آنے سندگ ءَ دیوان گپتگ، دیوان ءَ آیانی میان ءَ بوتگیں دپ جنگی گوں تیرگواری ءَ آسر بوتگ. ویلئے شپ ءَ ٹپیگ بوتگیں مردمانے ھالت نہ گیگ بوتگ، کہ پہ درمان ءَ نادراہجاہ ءَ سرکنگ بوتگ اَنت.
Be the first to comment