دشتیاری ءَ دو ٹیلکشّیں گاڑی آنے ٹوکر ورگ ءَ سئے بلوچے ٹیلکشّ کُشگ ءُ ٹپیگ بوتگ

رَسانک نیوز/ 4 آزر ماہ 1404، دشتیاری ءَ ریمدان ئے راہ ءَ دو ٹیلکشّیں گاڑی آنے ٹوکر ورگ ءَ یک بلوچے ٹیلکشّی ءَ ساہ داتگ ءُ دو دگہ ٹپیگ بوتگ.

مرتگیں ٹیلکشّئے پجّار «پرزاد کوھی»، ابدلجبار ئے چُک، بُندر ءَ راسک ئے گریکان دمگئے نندوکیں مردمی زانگ بوتگ، ٹپیگ بوتگیں ٹیلکشّ آنے پجّار «اِرپان رسولی‌زادہ»، 19 سالگ، ھالد ئے چُک، «زاھد بهادرزھی»، 20 سالگ، ابدلستار ئے چُک گوشگ بوتگ.

رَسانک ءِ ھال سرکنوکانے رِد ءَ، اے ویل ھماں وھدا پیش اَتکگ کہ دوئیں ٹیلکشّیں گاڑیاں ریمدان ئے راہ ءَ دیم پہ وتی منزل ءَ روان بوتگ اَنت۔ گاڑیاں زوریں ٹوکر وارتگ ءُ یکی چہ نندوکان ءَ جاہ ءَ ساہ داتگ ءُ دوئیں ٹپیگ بوتگیں ٹیلکشّ آں نادراہجاہ ءَ سر کنگ بوتگ اَنت.