رَسانک نیوز/ زی چارشمبے 5 آزر ماہ 1404 ءِ بانگواہ ءَ، شیراز ئے آدلآباد بندیگجاہ ءَ، بلوچے بندیگے بید چہ ایشی ءَ کہ زمہ واراں آئی ءِ ھاندان ئے زھرشانے ءَ دلگوش بہ بنت، پاھو دیگ بوتگ.
اے بلوچے بندیگئے پجّار «ھمید یوسپزھی»، 38 سالگ، مھمدنبی ئے چُک، بُندر ءَ نهبندان ئے تبسین دمگ ءِ نندوکیں مردمی زانگ بوتگ.
اے ھالے رِد ءَ، اے بلوچے بندیگ ماں سال 1399 ءَ، شیراز ءَ تہا بوھگئے وھدا انتزامی ٹولی ءَ چہ چیک پوسٹ ءِ سرا پہ مواد ءِ الزام ءَ دزگیر ءُ چارسال ءَ پد، اُدے انکلاب آمیدگِس ءَ آئی پاھو ئے ھُکم داتگ.
ھمید یوسپ زھی شمبے ئے روچ ءَ 1 آزر ماہ 1404 ءَ، پہ پاھو دیگ ءَ ایوکیں واڈ ءَ شور دیگ بوتگ۔ لوگئے مردماں پہ گُڑسریں گِندوک ءَ لوٹگ بوتگ اَنت۔ آئی ءَ دوشمبے روچا 3 آزر ماہ ءَ گوں لوگئے مردمان ءَ گُڑسریں دیدار کرتگ.
Be the first to comment