رَسانک نیوز/ 4 آزر ماہ 1404 ءَ، شستون ءُ واش ئے راہ ءَ، واش ءَ تہا بوھگ ءِ راہ ءَ میلاد پٹرول پمپ ءِ نزّیک ءَ رینجرز ٹولی ءَ بے اُوشت ءُ پیسریگیں دلگوش دیگ ءَ گاڑیے سرا تَچکیں تیرگواری کرتگ کہ گاڑی ئے یک نندوکی کُشگ ءُ آں دگہ سکّ ٹپیگ بوتگ.
رَسانک ءَ کُشگ بوتگیں جھمنند ئے پجّار «اسکندر شهنوازی»، 42 سالگ، بہادر ئے چُکّ، آروس کرتگ ءُ بُندر ءَ میرجاوہ ئے روتک دمگ ءِ نندوک ءُ ٹپیگ بوتگیں جھمنند ئے پجّار «مھباللہ»، اُوگانستان ئے باشندگ زانتگ.
رَسانک ئے ھال سرکنوکانے رّد ءَ، ھماں وھدا کہ اسکندر چہ شستون ءَ دیم پہ واش ءَ روگ ءَ بوتگ کہ رینجرز ئے ٹولی ءَ آئی ءِ سرا تیرگواری کرتگ ءُ آئی ءَ تیر وارتگ ءُ سکّ ءَ ٹپیگ بوتگ چہ ٹپّانے باز بوھگ ءَ آئی ءَ ماں نادراہجاہ ءَ ساہ داتگ۔ ھمیں وڑا اسکندر ئے ھمراہ ءَ تیر وارتگ ءُ سکّ ءَ ٹپیگ بوتگ.
Be the first to comment