رَسانک نیوز/ 1 آزر ماہ 1404 ءَ، لاشار ئے اھمدآباد دمگ ءَ ماں تاریک سئے شمبے 27 آبان ماہ ءَ، بلوچانے دو ٹولی ءِ میان ءَ سلاہ بندیں ٹکّر ءَ ٹپیگ بوتگیں بلوچی ءَ ویلئے چار روچ ءَ پد چہ ٹپّانے باز بوھگ ءَ ماں پہرہ ئے ھاتم الانبیا ء نادراہجاہ ءَ ساہ داتگ، اے پیم ویل ءَ آماچیں مردمانے کچ 5 مردم ءَ سر بوتگ.
اے بلوچئے پجّار دیمترا «ابراھیم توکی»، پئیرمھمد ئے چُک، بُندر ءَ لاشار ئے اھمدآباد دمگ ءِ نندوک زانگ بوتگ کہ «مسلم توکی»، 5 سالگ، اسلم ئے چُک بلوچیں گونڈیں چُکی یے ھوری ءَ تیر وارتگ ءُ ٹپیگ بوتگ.
گوشگ لوٹیت: ماں تاریک 27 آبان ماہ ءَ لاشار ئے اھمد دمگ ءَ گوں پیسریگیں جیڑہ آنے دیمروی ءَ دو ٹولی آنے میان ءَ سلاہ بندیں ٹکّر ءَ، چار بلوچ کُشگ ءُ دو دگہ ٹپیگ بوتگ.
رَسانک ءَ کُشگ بوتگیں بلوچانے پجّار «مسلم سهویی (سردارزھی)»، «مهمد سهویی (سردارزھی)»، ھر دو برات ءُ دُرمھمد ئے چُک، بُندر ءَ کتیاب دمگ ءِ نندوک ءُ «مھمد جاوشیری»، ھُدادات ئے چُک، بُندر ءَ سول دمگ ئے نندوکیں مردم، «امین بلوچی»، بُندر ءَ رمشک دمگ ءِ نندوک زانتگ.
رَسانک ئے ھال سرکنوکانے رِد ءَ، پیسریگیں جیڑہ آن ءُ ٹکّر آنے دیمروی ءَ گوں اول سر چار مردم اھمدآباد دمگ ءِ سرا اُرش ءَ گوں اُداں گونڈیں چکّی ءُ آئی ءِ ناکو ئے سرا تیرگواری ءُ ٹپیگ کرتگ۔ ھماں وھدا کہ اُرش کنوکاں پیادگ ءَ واتر کنگ بنت، گونڈیں چُک ءُ آئی ءِ ٹپیگ بوتگیں ناکو ئے مردمان ءَ آیانے سرا اُرش کرتگ۔ کمّیں ٹکّر ءَ پد آیانی میان ءَ چار نپر کُشگ بوتگ.
Be the first to comment