رَسانک نیوز/ جمے 30 آبان ماہ 1404 ءَ، کسرکند ءَ بلوچانے دو ٹولی ئے میان ءَ گوں پیسریگیں جیڑہ آنے دیمروی ءُ تیرگواری ءَ دو بلوچ کُشگ ءُ دو دگہ ٹپیگ بوتگ.
رَسانک ءَ اے ٹکّر ءَ کُشگ بوتگیں بلوچانے پجّار «ملک دامنی»، شیرمھمد ئے چُک، «ھسن دامنی»، ھر دو پاسک دمگ ءِ نندوکیں مردم، ٹپیگ بوتگیں بلوچانی پجّار «بنیامین ازیزی»، پئیز مھمد ئے چُک، «امیر ازیزی»، الی مھمد ئے چُک، دوئیں کسرکند ءِ ازیز آباد دمگ ءِ نندوک زانتگ.
رَسانک ءِ ھال سرکنوکانے رِد ءَ، اے ٹکّر ھماں وھدا پیش اَتکگ کہ دوئیں نیمگ ءِ مردمان ءَ پہ پیسریگیں جیڑہ ءُ جنجال آنے سندگ ءُ ھلاس کنگ ءَ دیوان گپتگ۔ اے دیوان ءَ دوئیں نیمگئے مردماں گوں یکّا دگرا اَڑتگنت ءُ چہ دو نیمگی تیرگواری ءَ لہتیں مردم کُشگ ءُ لہتیں دگہ ٹپیگ بوتگ.
Be the first to comment