رَسانک نیوز/ جمے 30 آبان ماہ 1404 ءَ، دُزاپ ءِ تأمین اجتمائی پٹرول پمپ ءِ نزّیک ءَ، بلوچے کہ روڈ ءِ کَشّ ءَ پٹرولی بہاء کرتگ سئے سلاہ بندیں مردمان ءَ آئی ءِ سرا اُرش ءُ کارچ شاپ کرتگ، سینگ ءُ دل ءَ کارچ ورگ ئے سوب ءَ آئی ءَ ساہ داتگ.
اے بلوچئے پجّار «امین میربلوچزھی»، 33 سالگ، دینمھمد ئے چُک، دو زھگئے پت، بُندر ءَ دُزاپ ءِ نندوک زانگ بوتگ.
رَسانک ءِ ھال سرکنوکانے رِد ءَ، گاڑی ءَ نندوکیں سئے بدماش ءُ گُنڈا امین ئے پٹرولئے سوداے جاہ ءَ شُتگ اَنت ءُ آئی ءِ سرا اُرش کرتگ۔ یکی چہ جنوکاں دمگ ءِ جھمنندانے دست ءَ کپتگ ءُ آیان ءَ اے بدماش کہ بُندر ءَ زابل ئے مردمی بوتگ انتزامی ٹولی ئے دست ءَ داتگ۔ آئی ءِ دوئیں ھمراہ چہ جاہ ءَ در شُتگ اَنت.
جنوکانی پجّار ءُ آیانی سوب چہ اے کار داں انگت ءَ زانگ نہ بوتگ.
Be the first to comment