رَسانک نیوز/ 28 آبان ماہ 1404 ءِ بانگواہ ءَ، کرمان ئے بندیگجاہ ءَ بلوچے بندیگے کہ دیمترا پہ کوش ءِ الزام ءَ دزگیر بوتگ ءُ پاھو ئے ھُکمی وارتگ، پاھو دیگ بوتگ.
اے بلوچے بندیگئے پجّار «الی اسگر ایزدھا (دامنی)»، 27 سالگ، ھُدابکش ئے چُک، بُندر ءَ مگس ئے زیارت دمگ ءِ نندوکیں مردمی زانگ بوتگ.
ھال وشّ ئے ھالے رِد ءَ، ماں سال 1399 ءَ، الی اسگر وتی برات مھمد تاھر ئے ھوری ءَ پہ کارا شیراز ءَ شُتگ اَنت ءُ اُداں ماں مُرگ آنے تھم ریچ گِرگئے باگی ءَ کار ءَ دلگوش بوتگ اَنت۔ چہ کارا واتر کنگ ءِ وھدا چہ آیاں کوشی بوتگ ءُ ھماں سال ءَ دزگیر کنگ بوتگ اَنت۔ آمیدگِس ءَ الی اسگر ءَ پہ کوش ئے الزام ءَ پاھو ئے ھُکم داتگ ءُ آئی ءِ برات ءَ پہ کوش ءَ ھور بیئگ ءِ الزام ءَ، 25 سال بندیگ بوھگ ءِ ھُکم داتگ.
Be the first to comment