دُزاپ ءَ سلاہ بندین ءُ بے پجّاریں مردمانے تیرگواری ءَ بلوچے کُشگ بوتگ

رَسانک نیوز/ 28 آبان ماہ 1404 ءَ، دُزاپ ءَ سلاہ بندین ءُ بے پجّاریں مردمانی‌ تیرگواری ءَ بلوچی ءَ تیر وارتگ ءُ کُشگ بوتگ.

رَسانک ءَ اے بلوچئے پجّار «نسیر اھمدی (کلجایی)»، 40 سالگ، آروس کرتگ، سئے چُکّئے پت، بُندر ءَ دُزاپ ءِ نندوکیں مردمی زانتگ.

رَسانک ءِ ھال سرکنوکانے رِد ءَ، مزن شہدربر جاہ روڈ ءَ، ساھت 19:30 ءَ، گاڑی یے سئے سلاہ بندیں نندوکان ءَ نسیر ئے گاڑی گوں رگبار ءَ بستگ ءُ آئی ءَ چُنت تیر ماں جونئے بُرزیں بہر چُش کہ گردن ءُ سینگ ءَ وارتگ ءُ سکّ ٹپیگ بوتگ ءُ چہ ٹپّانی باز بوھگ ءَ ساھی داتگ.

داں انگت جنوکانی پجّار ءُ آیانی سوب چہ اے کارا زانگ نہ بوتگ.