رَسانک نیوز/ 27 آبان ماہ 1404 ءَ، واش ءُ دُزاپ ءِ راہ ءَ چہ گاڑی ئے لیٹ ورگ ءَ بلوچی ٹیلکشّی سکّ ءَ ٹپیگ بوتگ ءُ ویلئے چُنت ساھت ءَ پد، ماں نادراہجاہ ءَ ساھی داتگ.
اے بلوچئے پجّار «میلاد کمبرزھی»، 18 سالگ، ھُدابکش ئے چُک، بُندر ءَ دُزاپ ءِ دومگ دمگ ءِ نندوکیں مردمے زانگ بوتگ.
رَسانک ءِ ھال سرکنوکانی رِد ءَ، ھماں وھدا کہ ٹیلکشّیں گاڑی وتی راہ ءَ پہ سُرئیت ءَ روگ ءَ بوتگ، اَچانک ءَ تریلی یے آئی ءِ دیما داشتگ، ٹیلکشّیں گاڑی ئے ڈریور ءَ پہ وتی رکّینگ ءَ گاڑی گوں سرئیت ءَ ماں ھاکی ءَ دَور داتگ بلے گاڑی ئے کنٹرول چہ آئی ءِ دست ءَ در اَتکگ ءُ لیٹی وارتگ.
ھال سرکنوکان ءَ گوشتگ: میلاد گاڑی ئے لیٹ ورگ ءَ پد سکّ ءَ ٹپیگ ءُ واش ءِ نادراہجاہ ءَ سرکنگ بوتگ۔ آئی ءَ ویل ئے چار ساھت ءَ پد ماں واش ئے نادراہجاہ ءِ ICU واڈ ءَ ساہ داتگ.
Be the first to comment