رَسانک نیوز/ زی دوشمبے 26 آبان ماہ 1404 ءَ، نارویی کبیلہ اے زاروزھی کُٹھمدان ءُ براھویی کبیلہ ئے میان ءَ دو سال جیڑہ ءُ ٹکّر ؤ دو مردمانی ٹپیگ بوھگ ءَ پد، گوں اسپیت ریشیں مردمانے میانجی گری ءُ با بہروسہ ایں بلوچانے جُھد ءَ مکی مسیت ءَ رازی نامہ ءُ سلاھ کاری بوتگ.
رَسانک ءِ ھال سرکنوکانے رِد ءَ، دوئیں کبیلہ آنے میان ءَ جیڑہ ءُ ٹکّر دو سال دیمترا بُنگیج بوتگ ءُ اے گپّ ءَ دوئیں نیمگ آنے سیاد ءُ ھاندان دل پریشان کرتگ۔ اے در ءُ دوراں کماش ءُ مزنیں مردمان ءَ پہ آیانے رازی نامہ کنگ ءَ جُھد کرتگ. زیگیں مراگش ءَ دوئیں نیمگ ئے سروکیں مردمان ءَ، کُہنیں اَڑ ءُ جیڑ شموشتگ ءُ اَھدش کرتگ پہ آرامی ءُ براتی ءَ گوں یکّا دگرا زندماں گوازیننت.
دیوان ءَ بہر زوروکیں مردمان ءَ اے مراگش ءَ بلوچ آنے میان ءَ پہ یکجہتی ئے پیداگ کنگ ءَ شرّیں گامگیجی زانتگ۔ اے دیوان ءَ اسپیت ریشیں مردمانے ماں بلوچستان ءَ ارزشت ءَ درا کرتگ ءُ آیانے اھمّیت ءَ پہ جیڑہ آنے سندگ ءَ ماں بلوچ آنے دود ءُ رُبیدگ ءَ پیش داشتگ.
Be the first to comment