رَسانک نیوز / شمبے 24 آبان ماہ 1404 ءِ شپ ءَ، دُزاپ ءِ بابا تاھر روڈ ءَ سلاہ بندین ءُ بے پجّاریں مردمانی تیرگواری ءَ بلوچی ءَ تیر وارتگ ءُ بازیں ھونئے ریچگ ءَ ساہ داتگ.
رَسانک ءَ اے بلوچئے پجّار «شھرام براھویی»، جُمّا ئے چُک، بُندر ءَ زھک ءِ نادر ھان دمگ ءِ نندوکیں مردمی زانتگ.
رَسانک ءِ ھال سرکنوکانے رِد ءَ، سواری گاڑی ئے نندوکیں مردمان ءَ اے بلوچئے سرا تیرگواری کرتگ کہ آئی ءَ ماں پادا تیر وارتگ ءُ بازیں ھونئے ریچگ ءَ ساہ داتگ. اُرش کنوکان ءُ آیانی لوٹ داں انگت ءَ زانگ نہ بوتگ.
گوشگ بیت، 15 آبان ءِ شپ ءَ، آئی ءِ برات «الی اکبر براھویی»، 38 سالگ، زھک ءِ وھدت روڈ ءَ سپاہ ءَ گوں جوڑتگیں سلاھبندیں مردمانی تیرگواری ءِ دپ ءَ کپتگ ءُ ٹپیگ بوتگ، مردمان ءَ آئی گوں نہ گیگیں ھالت ءَ نادُراہجاہ ءَ سر کرتگ.
Be the first to comment