رَسانک نیوز/ مروچی شمبے 24 آبان ماہ 1404 ءَ، بلوچے ورنائیں کہ ماں تاریک 22 آبان ماہ ءِ شپ ءَ گوں پژو 405 گاڑی ءَ چہ وتی لوگا پہرہ ءَ، دیم پہ سرباز ءَ در اَتکگ داں انگت ءَ وتی منزل ءَ سر نہ بوتگ ءُ موبایل ئے بند بوھگ ءِ سوب ءَ لوگئے مردمان ءَ نہ توانتگ گوں آئی ءَ ھال اھوال بہ کننت۔ اے گپّ ءَ لوگئے مردم ماں جُھلیں دل پریشانے ءَ دَور داتگ.
رَسانک ءَ اے بلوچے پجّار «مجیب دھکانی»، 18 سالگ، اسلم ئے چُک، بُندر ءَ سرباز ئے شورمیتگ دمگ ءِ نندوکیں مردمی زانتگ.
رَسانک ءِ ھال ستکنوکانے رِد ءَ، مجیب لوگا چی در کپگ ءَ پد، ماں سرباز ءِ راہ ءَ بیگواہ بوتگ ءُ داں انگت ءَ آئی ءِ ھالے سرپدئے دست نہ کپتگ.
لوگئے مردمان ءَ اے نمبر شنگ کرتگ ءُ چہ مھلوکا پہ وتی چُکّئے شوہاز کنگ ءَ کمک لوٹتگ
09944460970
ھاندانے مردماں پد چہ ایشی ءَ کہ ھچ ھالے آیان ءَ دست نہ کپتگ سکّ ءَ دل پریشان ءُ زھنی جنجال آں گوں اَڑ ءُ جیڑ اَنت۔ لوگئے مردمان ءَ پہ ھالے سرپدئے دست کپگ ءَ باز جُھد کرتگ بلے سوبین نہ بوتگ اَنت.
Be the first to comment