رَسانک نیوز/ پنچشمبے 15 آبان 1404 ءِ شپ ءَ، زھک ءِ وھدت روڈ ءَ چہ سپاہ ئے کارمندیئے تیرگواری ءَ بلوچے تیر وارتگ ءُ سکّ ءَ ٹپیگ بوتگ۔ ویل ءَ پد، تیرگواری کنوکیں مرد چہ جاہ ءَ در شُتگ.
رَسانک ءَ ٹپیگ بوتگیں بلوچئے پجّار «الیاکبر براھویی»، 38 سالگ، آروس کرتگ ءُ زھگانے پت، بُندر ءَ زھک ئے جھمنند زانتگ.
ھال زانتیں، ھال سرکنوکانے رِد ءَ، ھماں وھدا کہ براھویی پہ دکان ءِ روگ ءَ چہ وتی گاڑی ءَ ایئر کپتگ، اَچانک ءَ سپاہ ئے کارمندی وتی ھمراہ آنے ھوری ءَ آئی ءِ سرا تَچکیں تیرگواری کرتگ.
گؤشگ بیت: الیاکبر براھویی ءُ جنوکیں مرد ئے میان ءَ زاتی اَڑ ءُ جیڑے بوتگ۔ دمگ ءِ کماش ءُ اسپیت ریشیں مردمان ءَ آیانے میان ءَ سلاھ کنگ ءِ جُھد کرتگ، بلے سلاہ بندین مرد ءَ آیانی گپّ نہ منّتگ۔ ویلئے شپ ءَ اے مرد گوں لہتیں سلاہ بندیں مردم ءَ جاہ ءَ اُوشتوک بوتگ ءُ تیرگواری ءَ پد چہ جاہ ءَ در شُتگ.
اے بلوچئے سیادان ءَ گؤشتگ: الیاکبر ئے ھالت سکّ باز نہ گیگ اِنت ءُ آئی ءِ لوگئے مردماں چہ اِنساپ دیوکین ءُ امنیتی ادارہ آنے اے ویلئے سرا دلگوش نہ بیئگ ءَ سکّ ءَ دل پریشان اَنت.
Be the first to comment