بمپور ءَ چُکّی یے آوار جنگ ئے وھدا، چُکّ ئے پت ءُ یکی چہ اُرش کنوکیں مردماں کُشگ بوتگ

رَسانک نیوز/ ۱۷ آبان ماہ 1404 ءَ، سلاہ بندین ءُ بے پجّاریں مردمانی ٹولی یے پہ چُکّی یے آوار جنگ ءَ بمپور ءِ ریکپوت دمگ ءَ اُرش کرتگ، چُکّ ئے پت ءَ گوں آیان ءَ ٹکّر زورتگ، اے ٹکّر ءَ چُک ءِ پت ءُ یکی چہ سلاہ بندیں مردماں کُشگ بوتگ.

رَسانک ءَ اے بلوچئے پجّار «پرویز دانش»، ھُدابکش ءِ چُک، بُندر ءَ لاشار ئے سرمیچ دمگ ءِ نندوکیں مردمی ءُ انّیگیں وھدا ریکپوت ءِ جھمنند زانتگ.

کُشگ بوتگیں سلاہ بندیں مردے پجّار داں انگت ءَ زانگ نہ بوتگ.

رَسانک ءِ ھال سرکنوکانے رِد ءَ، پرویز دانش لاشار ئے سرمیچ دمگ ءِ شورا ئے بہر بوتگ کہ وتی چُکّ ئے آوار جنوکانے دیم ءَ اُوشتاتگ ءُ کُشگ بوتگ. سلاہ بندیں مردماں ٹکّر ءُ ھمراہ ئے کُشگ بوھگ ءَ پد، چہ جاہ ءَ در شُتگ اَنت.