رَسانک نیوز/ دوشی 14 آبان ماہ 1404 ءَ، پہرہ ءُ گِہ ئے راہ ءَ چہ گِہ ءَ 70 کیلومتر ءَ دور، ٹیلکشّیں زامیاد ءُ پژو 405 گاڑیانی ٹوکر ورگ ءُ بُن گِرگ ءَ دو بلوچے ٹیلکشّ آنے ھوری ءَ سئے بلوچ ءَ ساہ داتگ.
دوئیں بلوچے ٹیلکشّ آنے پجّار «مھمد زینالدینی»، 20 سالگ، امامبکش ءِ چُک، «نیما زینالدینی»، 20 سالگ، ابداللہ ئے چُک، ھر دو بُندر ءَ لاشار ءَ کُچکی دمگ ءِ نندوک بوتگ اَنت۔ آں دگہ بلوچے پجّار «نورمھمد زینالدینی»، 50 سالگ، بُندر ءَ کسرکند ءِ زین الدینی دمگ ءِ نندوکیں مردمی زانگ بوتگ.
رَسانک ءِ ھال سرکنوکانے رِد ءَ، دو گاڑی ئے ٹوکر ورگ ءَ پد، ٹیلکشّیں زامیاد گاڑی بُن گپتگ ءُ دوئیں بلوچے ٹیلکشّ ماں آس ءَ سوتکگ ءُ ساہ داتگ۔ پژو گاڑی ئے نندوکیں مردم ویل ءَ پد، تاں نیم ساھت ءَ زندگ بوتگ، بلے آمبولانس ءُ ڈاکٹر ءِ نہ بوھگ ءَ آئی ءَ ھم ساہ داتگ.
Be the first to comment