رَسانک نیوز/ سئےشمبے 13 آبان ماہ 1404 ءَ، واش ءَ شہلیبر کبیلہ ءُ شهنوازی کبیلہ ئے درازھی کُٹھمدان ءِ میان ءَ گوں کماش ءُ اسپیت ریش ءُ دوئیں نیمگ ءِ سروکیں مردمانی جُھد ءَ سلاھکاری ءُ رازی نامے دیوانی برجم دارگ بوتگ. اے دیوان ءَ دوئیں کبیلہ آنے میان ءَ چُنت ماہ پد چہ ھون ریچیں جیڑہ ءَ پہ سلاھ ءُ رازی نامہ ءَ آسر کرتگ.
سربوتگیں ھال آنے رِد ءَ، اے دیوان پد چہ سلاہ بندیں ٹکّر ءَ کہ ماں تاریک 4 مرداد ماہ 1404 ءَ ماں واش ءِ پشتکوہ زِلّھ ئے پئیز آباد دمگ ءَ پیش اَتکگ برجم دارگ بوتگ۔ اے ٹکّر ءَ جنیں آدمے کُشگ ءُ ورنایی ءَ ھور دو مردم ٹپیگ بوتگ.
اے دیوان ءَ دوئیں نیمگ ءِ مردمان ءَ گوں ھُدا ئے نام ءُ یات ءَ، دیوان ءَ نندوکیں مزنیں مردمانی دیم ءَ کسم وارتگ کہ پیشگیں اَڑ ءُ جیڑہ آن ءَ شموشنت ءُ گوں براتے ءُ تُپاکی ءَ، ھور زندمان گُوازین اَنت.
Be the first to comment