رَسانک نیوز/ زی 12 آبان ماہ 1404 ءَ، میناب ءَ نزامی ٹولی ئے ٹیلکشّیں گاڑی آنے پد کپگ ءُ تَچکیں تیرگواری ءَ، یک ٹیلکشّیں گاڑییے ءَ لیٹ وارتگ ءُ بلوچے ٹیلکشّے ٹپیگ بوتگ.
رَسانک ءِ ھال سرکنوکانے رِد ءَ، نزامی ٹولی ءَ تیرگواری ءَ پد بید چہ ٹپیگ بوتگیں بلوچے ٹیلکشّئے کمک کنگ ءَ چہ جاہ ءَ شُتگ اَنت. دمگ ءِ نندوکیں مردمان ءَ کہ ویل چم وت دیستگ، گوشتگش: نزامی ٹولی ٹیلکشّیں گاڑیانے پدا کپیت ءُ در کانون ءَ آیانی سرا تَچکیں تیرگواری کنت ءُ ٹیلکشّ آنے ساہ ءَ گِر اِیت.
نزامی ٹولی ئے اے پیش اَتک ءِ برجاہ بوھگ ءِ سوب ءَ ھمُک سال بازیں ٹیلکشّے ٹپیگ بیت یاں کہ ساہ دنت. ماشی جیڑہ آن ءُ الکاپیں کارے نہ بوھگ ءَ آیان ءَ ناچار کرتگ کہ پہ مالی جنجال آنے ٹاھینگ ءَ ٹیلکشّی ئے پُر ھتریں کارا دیم بہ کننت.
Be the first to comment