رَسانک نیوز/ جمے 9 آبان ماہ 1404 ءَ، پہرہ ءِ کارگر روڈ ءَ ورنائیں بلوچے کہ ماں تاریک 25 مہر ماہ ءَ آروسی دیوانے ءَ چہ نازانتی ءَ تیر وارتگ ءُ کُما ءَ شُتگ دو ھپتگ ءَ پد ساھے داتگ.
رَسانک ءَ اے بلوچے پجّار «مھراب ساسان»، رزاک ءِ چُک، بُندر ءَ پہرہ ءِ نندوکیں مردمی زانتگ.
رَسانک ءِ ھال سرکنوکانے رِد ءَ، آروسی دیوانی ءَ بہر زُروکیں مردمی ئے تیرگواری ءَ آئی چہ نازانتی ءَ سر ءَ تیر وارتگ ءُ کُما ءَ شُتگ۔ دو ھپتگ نادراہجاہ ءَ بستری بوتگ ءُ ڈاکٹر آنے جُھد پہ آئی ءِ ساہ ءِ رکّینگ ءَ سوبین نہ بوتگ ءُ اے ورنایا ساہ داتگ.
گوشگ لوٹیت: یک شپی دیمتر چہ اے ویل ءَ، آروسی دیوان ءِ سرا تیرگواری ءَ بلوچے جنیں آدمی «مریم امینی (شیرھانزھی)» کُشگ ءُ یک دگہ بلوچے جنیں آدمی گوں ھاندانے نام «ارژنگ» ءَ ٹپیگ بوتگ.
Be the first to comment