سرباز ءَ سلاہ بندیں دُزّان ءَ ٹیلکشّئے گاڑی ئے سرا تیرگواری کرتگ ءُ آئی بار پُلتگش

رَسانک نیوز/ زی پنچشمبے 8 آبان ماہ 1404 ءِ بانگواہ ءَ، سرباز ءَ گورناگان ءُ کاپہ بلوچی ئے راہ ءَ ٹیلکشّئے گاڑی یے، سلاہ بندیں دُزّانی تیر آنے دپ ءَ کپتگ۔ دُزّان ءَ آئی ءِ سجهیں بار پُلتگ ءُ بُرتگ۔ دُزّان پد چہ گاڑی ئے ٹایر آنے ترکّینگ ءُ گاڑی ئے دیمیں بہر ءِ سرا تیرگواری ءَ ڈریور ءَ ناچار کرتگ کہ گاڑی ءَ بہ داریت ءُ دُزّان ءَ سجهیں ٹیل ئے گیلن دُزّتگ اَنت.

رَسانک ءِ ھال سرکنوکانے رِد ءَ، دُزّاں ٹیلکشّئے گاڑی ئے سرا گوں تَچکیں تیرگواری ءَ مزنیں نُکسی داتگ۔ آں دگہ ٹیلکشّئے گاڑی چہ ویل ءَ رکّتگ.

دمگ ءَ نندوکیں مردمان ءَ گوشتگ: انّیگیں ماہ آن ءَ گورناگان ءُ کاپہ بلوچیئے راہ ءَ دُزّی ئے ویل ءُ واک گیش بوتگ اَنت۔ دُزّاں ٹیلکشّ ءُ رہگوزیں گاڑیاں دار اَنت ءُ پُلَنت.