بمپور ءِ دھمیر دمگ ءَ بلوچیئے بے ساھیں جون دست کپتگ

رَسانک نیوز/ پنچشمبے 8 آبان ماہ 1404 ءَ، بمپور ءِ دھمیر دمگ ءِ ریکانے تہا بلوچیئے بے ساھیں جون جھمنندانے دست ءَ کپتگ.

رَسانک ءِ ھال سرکنوکان ءَ گوشتگ: چہ اے مرد ءِ یک کیسّگ ءَ سجلی دست کپتگ کہ آئی ءِ پجّار «مھمدیوسپ اربابی»، 64 سالگ، مرادمھمد ءِ چُک ءُ مگس ءِ نندوکیں مردمی نبشتگ۔ گمان ایشنت کہ اے سجل ءِ واھُند ھمیں مرد ءِ جِند انت.

ھال سرکنوکان ءَ گوشتگ: زی سُہب ءَ دھمیر دمگ ءِ جھمنند ے ھماں وھدا کہ دمگ ءِ نزّیکیں ریکان ءَ وتی راہ ءَ روگ ءَ بوتگ کہ آئی ءَ اے بے ساھیں جون دیستگ ءُ کمّیں پٹ ءُ پول ءَ چہ اے مرد ءِ کیسّگ ءَ سجل، بانک ءِ کاٹ ءُ لہتیں دوا ءُ گولی دست کپتگ.

اے جھمنند ئے مرک ءِ وڑ ءُ پیم ءِ باراوا گیشتریں ھالے دست نہ کپتگ.