رَسانک نیوز/ مروچی پنچشمبے 8 آبان ماہ 1404 ءَ، شستون ءَ سیمسراں ھمدپیں روڈ ءَ سلاہ بندیں مردمان ءَ بسیج ئے سیمسراں چاروگیں جھمنندیں کارندگ ئے گاڑی سرا تیرگواری کرتگ، گاڑی ءَ لیٹ وارتگ ءُ آئی ءَ ساہ داتگ.
مُرتگیں مردمئے پجّار «سادک سروری (میرکی)» 45 سالگ، آسا ءِ چُک، بُندر ءَ دلگان ئے مردم ءُ چہ شستون ئے بسیج ءِ سیمسراں چاروگیں جھمنندیں کارندگاں زانگ بوتگ.
اے ھالے رِد ءَ، مروچی بانگواہ ءَ آئی گوں زاتی گاڑی ءَ چہ سیمسراں دیم پہ لوگ ءَ واتر کنگ ءَ بوتگ کہ سلاہ بندیں مردماں آئی ءِ پدا کپتگ اَنت ءُ تیرگواری کرتگ، اے تیرگواری ءَ گاڑی ءَ تیر لگتگ ءُ لیٹ وارتگ ءُ آئی ءَ ھم جاہ ءَ ساہ داتگ.
داں انگت ءَ جنوکانے پجّار ءُ آیانے سوب چہ اے کارا زانگ نہ بوتگ۔ نزامی ءُ امنیتی سروکان ءَ ھم اے بابت ءَ وتی پدکِرد نہ داتگ.
Be the first to comment