رَسانک نیوز/ شمبے روچ ءَ 3 آبان ماہ 1404 ءَ، راسک ءِ نندوکیں بلوچے کہ پہ کارگری ءَ کِشم ءَ شُتگ، بے پجّاریں مردمان ءَ آئی لٹ ءُ شاپ پد، کارچ کرتگ ءُ کُشتگ.
رَسانک ءَ اے بلوچے کارگرے پجّار «مھمدشریپ ھسامی»، 25 سالگ، شپّی مھمد ءِ چُک، بُندر ءَ راسک ءِ پیشن دمگ ءِ نندوک زانتگ.
رَسانک ءِ ھال سرکنوکانے رِد ءَ، بلوچستان ءَ الکاپیں کارے نہ بوھگ ءِ سوب ءَ شریپ پہ کارگری ءَ کشم ءَ شُتگ کہ سلاہ بندین ءُ بے پجّاریں مردمان ءَ آئی لٹ ءُ شاپ ءَ پد، کارچ کرتگ ءُ کُشتگ.
ھال سرکنوکان ءَ گوشتگ: شریپ ءَ نادراہی ئے سوب ءَ جٹکہ ای جتگ ءُ اے سپر ءَ وتی درمانی شموشتگ ءُ گوں وتا نہ زُرتگ اَنت.
اے بلوچے کارگرے جنوکانے پجّار ءُ آیانے سوب چہ آئی ءِ کُشگ ءَ زانگ نہ بوتگ.
Be the first to comment